fitness
  • 343 үзэлт
  • 0 сэтгэгдэл
  • 2023-04-12

УИХ-ын үйлдвэржилтийн бодлогын байнгын хорооны өнөөдрийн /2023.04.11/ хуралдаанаар “Эрдэнэс Тавантолгой” ХК-д тогтоосон онцгой дэглэмийн хугацааны үйл ажиллагааны тайлан мэдээллийг сонслоо. Онцгой дэглэмийн үед авч хэрэгжүүлсэн арга хэмжээний тайланг ЭТТ ХК-ийн Засгийн газрын Онцгой бүрэн эрхт төлөөлөгч Ж.Ганбат танилцууллаа. 

Засгийн газрын 362 дугаар тогтоолын хэрэгжилтийг хангах хүрээнд 2022 оны 10 дугаар сарын 26-ны өдөр “Эрдэнэс тавантолгой” ХК-д зургаан сарын хугацаатай онцгой дэглэм тогтоож бүрэн эрхт төлөөлөгч томилон ажиллуулсан. Онцгой дэглэм тогтоосон таван сарын хугацаанд борлуулалтыг 4.1 дахин, нүүрс тээврийг 3.9 дахин экспортыг хоёр дахин нэмэгдүүлж нийт 1,260.6 сая ам.долларын үнэлгээтэй 13.0 сая тн нүүрс борлуулсан байна.

Монголын хөрөнгийн биржээр дамжуулан нүүрсний нээлттэй цахим арилжааг анх удаа зохион байгуулж, нийт 7 удаагийн арилжаагаар 416.0 мян.тн нүүрсийг $53.9 сая-р борлуулж, орлогыг 20.9 сая ам.доллароор нэмэгдүүлсэн. Өмнө нь уурхайн ам нөхцөлөөр тн тутмыг 100-115.83 ам доллароор борлуулж байсныг хил нөхцөлөөр худалдсанаар тн тутмыг 178.6-182.1 ам.доллароор борлуулав.

2022 онд “Эрдэнэс тавантолгой” ХК-г 6.5 сая тн нүүрс экспортлохоор тооцоолж байсан ч 13.5 сая тн нүүрс экспортлон баталсан төсвөөс 7 сая тноор илүү экспортолж улсын төсөвт 407 орчим тэрбум төгрөгийн орлого нэмж төвлөрүүлсэн. 2023 оны төсөвт “Эрдэнэс тавантолгой” ХК 14.1 сая тн нүүрс борлуулахаар тооцсон боловч 3 дугаар байдлаар 7.5 сая тн нүүрс борлуулж оны төгсгөлд 24-30 сая тн нүүрс борлуулахаар зорин ажиллаж байна. 

УИХ-ын үйлдвэржилтийн бодлогын байнгын хорооны өнөөдрийн хуралдаанаар “Эрдэнэс Тавантолгой” ХК-д тогтоосон онцгой дэглэмийн хугацааны үйл ажиллагааны тайланг хэлэлцэж Засгийн газрын хуралдаанд танилцуулахаар болов.

“Эрдэнэс Тавантолгой” ХК-ийн Хэвлэл мэдээлэл, олон нийттэй харилцах хэлтэс

Бусад мэдээ

Хөвсгөл нуурт живсэн тээврийн хэрэгслүүдийг татан гаргасан хүмүүст талархал гардуулав

Хөвсгөл нуурт живсэн тээврийн хэрэгслүүдийг татан гаргасан хүмүүст талархал гардуулав

Ерөнхийлөгч, Зэвсэгт хүчний Ерөнхий командлагч У.Хүрэлсүхийн санаачилгаар “Хөвсгөл нуурын эко систем

СЭЦЭН ХАНЫ ОРДОН МУЗЕЙН ГАДНА ТАЛБАЙГ ТОХИЖУУЛЛАА

СЭЦЭН ХАНЫ ОРДОН МУЗЕЙН ГАДНА ТАЛБАЙГ ТОХИЖУУЛЛАА

Монголын Урлагийн Зөвлөл (МУЗ) нь М-Си-Эс групптэй хамтран үндэсний өв соёл, үнэт зүйлсийн бэлгэ тэм

Чинбаяр Ч.
Чинбаяр Ч.