Турк Улсын Зүүн Өмнөд хэсгийн Газиантеп, Хатай, Османие, Адияман, Диярбакир, Шанлиурфа, Кахраманмараш, Адана, Малатя зэрэг томоохон 10 хотыг хамарсан бүс нутагт энэ сарын 6-нд 7.8 баллын хүчтэй газар хөдлөлт болсон.

Газар хөдлөлтийн улмаас олон хүний амь нас хохирч, ихээхэн хэмжээний эвдрэл сүйрэл учраад байна. Улмаар дээрх бүс нутагт 5-6 баллын хүчтэй газар хөдлөлтүүд бүртгэгдсээр байгаа тул Турк Улсын Засгийн газар гамшгийн аюулын хамгийн өндөр түвшинд шилжиж, гамшигт нэрвэгдсэн мужуудад гурван сарын хугацаатай онц байдал зарлалаа.

Иймд Турк улс руу зорчихоор төлөвлөж буй иргэдэд дээрх бүс нутагт зорчихгүй байхыг анхааруулж байна гэж Гадаад харилцааны яамнаас мэдээллээ.