Өнөөдөр Архангайн зүүн, Булганы өмнөд, Өвөрхангайн хойд, Төв аймгийн баруун хэсгээр их цас орж,  Архангай Өвөрхангай, Төв аймгийн нутаг, Булганы өмнөд хэсгээр цасан шуурга шуурна.

Нутгийн төв хэсгээр өнөөдөр, маргааш 5-нд нутгийн зүүн хагаст нойтон цас, цас орж, цасан шуурга шуурч, хүйтэрч, зам даваа хаагдаж, халтиргаа гулгаа нэмэгдэхийг ЦУОШГ-аас малч­ид, иргэд, тээвэрчдэд онцгойлон анхаарууллаа. 



ОБЕГ-аас орон нутгийн замуудын нөхцөл байдлын мэдээг хүргэж байна. Өнөөдрийн байдлаар: 

• Олон улс, улсын чанартай авто замын Цэцэрлэг-Тосонцэнгэл-Нөмрөг чиглэлийн Солонготын даваа
• Мөрөн-Улиастай чиглэлийн Загастай даваа 
• Улиастай-Алтай чиглэлийн Ганцын даваанд тус тус их хэмжээний цас орж байна.

Тиймээс эдгээр чиглэлд зорчихдоо автомашины бүрэн бүтэн байдлыг хангаж, анхаарал болгоомжтой зорчихыг анхааруулж байна.