Монгол Улсын Ерөнхийлөгчийн “Транзит Монгол” орон болох зорилт, “Бүс ба зам” хөтөлбөрийн хүрээнд “Улаанбаатар төмөр зам” ХНН дамжин өнгөрөх чингэлгийн галт тэрэгний тээвэрлэлтийг эрчимтэй нэмэгдүүлж, Ази-Европыг холбосон гол коридорынхоо давуу талыг ашиглаж, бүс нутагтаа өрсөлдөх чадвараа дээшлүүлж байна. Ийнхүү УБТЗ дамжин өнгөрөх транзит чингэлгийн галт тэрэгний тоог эрчимтэй нэмэгдүүлж байгаа нь олон улсын тээвэр логистикт Монгол Улсын оролцох оролцоог нэмэгдүүлж, уг тээврээс олох эдийн засгийн үр ашиг дээшилж байгаа юм.