Энэ сарын 13-ны байдлаар нэг ам.доллар 3443 төгрөгтэй тэнцэж, төгрөгийн ханш өнгөрсөн долдугаар сараас хойш чангарсаар байна. Сүүлийн дөрвөн сарын хугацаанд төгрөгийн ханш 0.45 хувиар чангарчээ. Үүнд гадаад валютын албан нөөц өссөн, төлбөрийн тэнцэл ашигтай гарсан нь нөлөөлөв.

Үндэсний статистикийн хорооноос мэдээлснээр энэ оны эхний есөн сард төлбөрийн тэнцэл 791 сая ам.долларын ашигтай гарчээ. Манай улсын төлбөрийн тэнцэл 2019 оноос хойш байнга алдагдалтай гарч байсан бол энэ онд уул уурхайн бүтээгдэхүүний экспорт өссөнөөр ашигтай гарчээ.