Үндсэн хуулийн түүхэн хөгжил, хуульт ёсны үнэт зүйл, нийгмийн хөгжилд оруулсан хувь нэмэр, хөгжлийн чиг хандлагыг иргэн бүрд ойлгуулан таниулах, Үндсэн хуулиа түгээн дэлгэрүүлэх зорилгоор "СУРГАГЧ БАГШ БЭЛТГЭХ" хөтөлбөрийн бүртгэл эхэллээ. Монгол Улсын хэмжээнд нийт 105 сургагч багш сонгон шалгаруулах юм. Хөтөлбөрт оролцохыг хүссэн сургагч багш нар  2024 оны 11 дүгээр сарын 21-ний өдрийн 15:00 цаг хүртэл цахимаар (энд дарна уу) бүртгүүлэх бөгөөд дэлгэрэнгүй мэдээллийг 51260361, 91091110, 91225577 утсаар авах боломжтой.

Тус хөтөлбөр нь 2024 оны 11 дүгээр сарын 22-ноос 2024 оны 11 дүгээр сарын 25-ны хооронд зохион байгуулагдана.

Энэхүү үйл ажиллагааг УИХ-ын Тамгын газар, Монгол Улсын Их сургуулийн Үндсэн хуулийн эрх зүйн хүрээлэнтэй хамтран зохион байгуулж байна гэж УИХ-ын Хэвлэл мэдээллийн газраас мэдээллээ.