“UNC-2023” 15 спорт холбооны нэгдсэн УАШТ-ий сүүлийн өдөр URBAN SPORT буюу хотын спортын төрлүүд зохион байгуулагдлаа.

Парис-2024 олимпын наадмын хөтөлбөрт багтсан энэхүү төрөлд нийт 15 тамирчин өрсөлдсөн бөгөөд эхний хэсэгт тамирчин бүрт 2 удаа 60 секундэд техникийн үзүүлбэр үзүүллээ.

Улмаар хоёрдугаар хэсэгт тамирчин бүр заасан хэсэгт дан үзүүлбэрийг таван удаа хийж үзүүлэхэд Г.Сумъяабазар тэргүүллээ.

Харин мөнгөн медалийг Л.Тэнгис хүртсэн бол хүрэл медалийг Б.Алтан-Очир хүртсэн байна. Гудамжны буюу Street төрөлд зохион байгуулагдсан тус тэмцээний олимпын эрхийг манай тамирчид 2024 оны 3-6 сарын хооронд зохиогдох эрхийн тэмцээнээс авах боломжтой.