Хөгжлийн бэрхшээлтэй хүмүүсийн эрхийн тухай НҮБ-ын конвенцийн хэрэгжилтийн талаарх Монгол Улсын 2 болон 3 дугаар нэгтгэсэн тайлангийн зөвлөмжийг өнөөдөр ХНХЯ болон харьяа агентлаг, төвүүдийн албан хаагчдад танилцууллаа.
Танилцуулга, уулзалтыг ХНХЯ-ны Хүн амын бодлогын хэрэгжилтийг зохицуулах газрын дарга С.Тунгалагтамир нээж үг хэллээ.

НҮБ-ын Хөгжлийн бэрхшээлтэй хүмүүсийн эрхийн тухай конвенцийн үзэл санаа, ойлголтын талаар Тэгш нийгэм холбоо ТББ-ын тэргүүн Л.Энхбуянт танилцуулга хийсэн бол Хөгжлийн бэрхшээлтэй хүний хөгжлийн ерөнхий газрын дарга Ц.Нямсүрэн Монгол Улсын Засгийн газарт ирүүлсэн зөвлөмжийг танилцуулсан юм.

Хөдөлмөр, нийгмийн хамгааллын салбарын албан хаагчдад зөвлөмжийг танилцуулснаар ХНХЯ, түүний харьяа байгууллагуудын албан хаагчдын ойлголт, хандлага нэмэгдэж, салбарын хэмжээнд конвенцийн хэрэгжилт сайжрах юм.

Эх сурвалж: Хөгжлийн бэрхшээлтэй хүний хөгжлийн ерөнхий газар