Сүүлийн өдрүүдэд олон нийтийн цахим сүлжээгээр “Улаанбаатар цахилгаан түгээх сүлжээ ТӨХК нь 70047004 утаснаас гадна, санал хүсэлт хүлээн авах, нэмэлт холбогдох дугааруудыг цагийн хуваарийн дагуу нэмж ажиллуулж байна” гэдэг ташаа мэдээлэл гарч иргэдийг төөрөгдүүлж, бухимдал үүсгэж байна хэмээн Улаанбаатар цахилгаан түгээх сүлжээ ТӨХК-өөс мэдээлэв.

УБЦТС ТӨХК нь цар тахлын үед эдгээр нэмэлт дугааруудыг хэрэглэж байгаад одоо ашиглахгүй болсон аж. Иймд цаашид үнэн бодит мэдээллийг компанийн албан ёсны цахим хуудас https://www.facebook.com/ubedn-аас авахыг зөвлөлөө.