Тэрээр “Улсын хэмжээнд сүүлийн таван жилд 3100 гэмт хэрэг, зөрчил  гарсны 2900 нь нийслэлд гарчээ. Эдгээрийн 2116 нь зөвхөн такси үйлчилгээтэй холбоотой байв. Иймд шинэ зохицуулалт шаардлагатай гэж үзэн, Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийг батлуулсан. Энэ оны аравдугаар сарын 15-наас эхлэн такси үйлчилгээ эрхлэх бол тусгай зөвшөөрөл авсан байна. Найман төрлийн шаардлага хангавал тусгай зөвшөөрөл олгоно. Тэмдэгтийн хураамж 3-10 сая төгрөг байна. Зөвшөөрөл авсан ААН л такси үйлчилгээ үзүүлнэ” гэв.

Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийг "Төрийн мэдээлэл" эмхтгэлд хэвлээгүй байна. Хуулийг батлахдаа энэ хууль энэ сарын 8-наас хүчин төгөлдөр болно гэж заажээ. 

Дээрх заалтуудыг нэмснээр Зөрчлийн тухай, Авто тээврийн тухай,  Тэмдэгтийн хураамжийн тухай хуульд өөрчлөлт оруулжээ.

Ч.Батзориг зөвлөх UB cab-ыг такси үйлчилгээнд тооцохгүй, дуудлагын үйлчилгээ хэмээн үзэж, өөр заалтаар зохицуулна. Аравдугаар сарын 15-наас хойш хувь хүмүүс зөвшөөрөлгүй атлаа такси үйлчилгээ үзүүлбэл хувь хүнийг ТАВАН САЯ, хуулийн этгээдийг ТАВИН САЯ төгрөгөөр торгоно гэв.