fitness
  • 237 үзэлт
  • 0 сэтгэгдэл
  • 2024-03-21

Прокурорын байгууллагын төлөөлөгчид Бүгд Найрамдах Социалист Вьетнам Улс /БНСВУ/-ын Винь Фук муж дахь Винь Куанг хорих ангид ял эдэлж байгаа Монгол Улсынхаа иргэдтэй уулзаж, санал хүсэлтийг нь сонсож, ял эдэлж буй нөхцөл байдалтай нь танилцжээ.

Тус улсад Монгол Улсын 9 иргэн хорих ял эдэлж байгаагаас хулгайлах гэмт хэрэгт 8-10 жил хүртэл хорих ялаар шийтгүүлсэн 8, хууль бусаар олж авсан бусдын эд хөрөнгийг захиран зарцуулах гэмт хэрэгт 3 жил хорих ялаар шийтгүүлсэн 1 иргэн хорих ял эдэлж байна.

Уулзалтын үеэр дээрх иргэдээс хоёр орны нийгэм ахуйн соёлын ялгаатай байдлын улмаас учирч байгаа хүндрэл, хоол хүнсний бэрхшээлийн талаар санал хүсэлт гаргасныг хорих ангийн удирдлагад болон БНСВУ-ын Ардын дээд прокурорын газрын Эрүүгийн шүүхийн шийдвэрийн биелэлтэд хяналт тавих газрын холбогдох албан тушаалтнуудад уламжилж, анхаарч үзэхийг хүслээ.

Мөн хорих ял эдэлж байгаа Монгол Улсын иргэдийн үлдсэн ялыг эх оронд нь үргэлжлүүлэн эдлүүлэх асуудлыг гэмт хэрэг үйлдсэн нөхцөл байдал, учруулсан хохирол, түүний нөхөн төлөлт, хорих ял биечлэн эдэлсэн хугацаа зэргийг харгалзан үзэж тус улсын дотоодын хууль тогтоомж болон хоёр улсын Засгийн газар хооронд 2018 онд байгуулсан “Ялтан шилжүүлэх тухай гэрээ”-ний дагуу шийдвэрлэж байх талаар 2 улсын прокурорын эрх бүхий албан тушаалтнууд ярилцсан байна.

Монгол Улсын Эрүүгийн хуулиар хулгайлах гэмт хэрэгт оногдуулах хорих ялын дээд хэмжээ 5-12 жил байдаг бол БНСВУ-ын Эрүүгийн хуульд заасан энэ төрлийн гэмт хэрэгт оногдуулах ялын хэмжээ манай улсын хуулиас өндөр 12-20 жилийн хорих ялтай байдаг байна.

Эх сурвалж: УЕПГ

Бусад мэдээ

Англи хэлний шинэ хөтөлбөрийн туршилтаар сурагчдын үнэлгээ 29-47 хувь болж өслөө

Англи хэлний шинэ хөтөлбөрийн туршилтаар сурагчдын үнэлгээ 29-47 хувь болж өслөө

БШУ-ны сайд Л.Энх-Амгалан үйл ажиллагааг нээж хэлсэн үгэндээ "2023-2025 онд бүх нийтийн англи хэлийг

Энэ жилийн хоёр дахь ЭЕШ ирэх сарын 7-ноос эхэлнэ

Энэ жилийн хоёр дахь ЭЕШ ирэх сарын 7-ноос эхэлнэ

Энэ жилийн хоёр дахь элсэлтийн ерөнхий шалгалт ирэх сарын 7-ноос эхлэх талаар БШУЯ-наас мэдээллээ.Ша

Сэтгүүлч Ж.Хэрлэн
Сэтгүүлч Ж.Хэрлэн