fitness
  • 145 үзэлт
  • 0 сэтгэгдэл
  • 2024-06-05

Гадаадын иргэн, харьяатын газраас Багануур дүүргийн нутаг дэвсгэрт үйл ажиллагаа явуулж буй аж ахуйн нэгж, байгууллагуудад төлөвлөгөөт бус шалгалтыг явуулжээ. Уг хяналт шалгалтаар тус дүүргийн 3 дугаар хорооны нутаг дэвсгэрт байрлах, гадаадын хөрөнгө оруулалттай “Месес” ХХК нь жуулчин ангиллын визээр орж ирсэн олон тооны гадаад иргэнийг эрх бүхий байгууллагын зөвшөөрөлгүй хөдөлмөр эрхлүүлж байсныг илрүүлжээ.

Тодруулбал тухайн аж ахуйн нэгж байгууллага нь ажлын байрны төлбөрөөс зайлсхийж, аялал, жуулчлалын зориулалттай визтэй гадаадын иргэдийг хууль бусаар хөдөлмөр эрхлүүлж байсныг тогтоосон байна.

Гадаадын иргэн Монгол Улсад хөдөлмөр эрхлэх тохиолдолд эрх бүхий байгууллагаас хөдөлмөр эрхлэх зөвшөөрөл авч, хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх хэмжээний ажлын байрны төлбөр сар бүр төлөх хуулийн зохицуулалттай.

Гэвч энэ төлбөрөөс зайлсхийж, аяллын визээр орж ирсэн гадаадын иргэдийг хууль бусаар хөдөлмөр эрхлүүлж байгаа нь Монгол Улсын хууль тогтоомжийг ноцтой зөрчсөн үйлдэл юм.

Дээрх төрлийн зөрчил гарсаар байгаа тул хяналт шалгалтын ажиллагааг улам чангатгаж, хууль тогтоомж зөрчиж, хууль бус үйлдэл гаргасан гадаадын иргэн, уригч иргэн, аж ахуйн нэгж байгууллагуудад хуулийн дагуу хатуу хариуцлага хүлээлгэхийг Гадаадын иргэн, харьяатын газраас анхаарууллаа.

Бусад мэдээ

Зэсийн ханш оны эцэст 25 хувь өсөж, 11 мянган ам.долларт хүрнэ

Зэсийн ханш оны эцэст 25 хувь өсөж, 11 мянган ам.долларт хүрнэ

Зэсийн үнэ ойрын хугацаанд уналттай байх хэдий ч энэ оны хоёрдугаар хагаст өсөлттэй байх төлөвтэй ба

“Монголын Хөрөнгийн бирж” ХК ₮7.2 тэрбумын борлуулалтын орлого, ₮2.7 тэрбумын цэвэр ашигтай ажиллалаа

“Монголын Хөрөнгийн бирж” ХК ₮7.2 тэрбумын борлуулалтын орлого, ₮2.7 тэрбумын цэвэр ашигтай ажиллалаа

“Монголын Хөрөнгийн бирж” ХК-ийн зах зээлийн үнэлгээ 38.5 тэрбум төгрөгөөр хэмжигдэж байна.“Монголын

Сэтгүүлч Ж.Хэрлэн
Сэтгүүлч Ж.Хэрлэн