fitness
  • 130 үзэлт
  • 0 сэтгэгдэл
  • 2024-06-25

Чингэлтэй дүүргийн тавдугаар хороонд эзэмшил газраа зориулалтын дагуу 26 жил ашиглаагүй "Меридиан" ХХК-ийн 900 ам.метр газар эзэмших эрхийг цуцалжээ. Тус газрыг далд зогсоолтой, ногоон байгууламж болгон тохижуулах аж.

Тодруулбал "Меридиан" ХХК нь 1998 онд тус газрыг хөгжмийн сургуулийн барилгын зориулалтаар эзэмшсэн бөгөөд 2023 барилгын суурийн ажлыг эхлүүлжээ. Гэвч одоог хүртэл барилгын суурийн ажил дуусаагүй байна. Энэ нь тус хорооны оршин суугчдын орчны аюулгүйд нөлөөлж байгаа тул болзошгүй аюулаас урьдчилан сэргийлэх талаарх гомдлыг нийслэлийн Газар зохион байгуулалтын албанд удаа дараа ирүүлжээ. Иймээс Монгол Улсын Захиргааны ерөнхий хуулийн 48 дугаар зүйл, Газрын тухай хуулийн 61 дүгээр зүйлийг тус тус үндэслэн газар эзэмших эрхийг цуцалсан байна.

Нийслэлийн Засаг дарга бөгөөд Улаанбаатар хотын Захирагч Х.Нямбаатар “Энэ сарын 18-ны өдөр Захиргааны ерөнхий хуулийн дагуу сонсох ажиллагааг зохион байгуулсан бөгөөд албан ёсоор цуцалж байна. Уг газрыг цаашид хэрхэн ашиглахыг оршин суугчдын саналаар шийднэ.

Тус дүүргийн Засаг дарга далд зогсоолтой, ногоон байгууламж болгон тохижуулах саналыг хэлсэн. Дүүргээс газрын ашиглалтын талаарх хэлэлцүүлгийг зохион байгуулна. Хэлэлцүүлгээс гарсан иргэдийн саналыг үндэслэж, бүтээн байгуулалт хийнэ.

Харин "Меридиан ХХК-тай дахин маргаан үүсгэхгүй. Тухайн компанийн газрын асуудлыг Сэлбэ дэд төв орчимд шийдвэрлэж өгнө” гэв. Мөн тус хорооны 2А байрны баруун талын газрын сонсох ажиллагааг зохион байгуулахыг холбогдох албаныханд үүрэг болгов.


Эх сурвалж: НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Бусад мэдээ

Тархины харвалт, зүрхний шигдээсийн төрөлжсөн тусламж үзүүлж эхэлсний 10 жилийн ой тохиож байна

Тархины харвалт, зүрхний шигдээсийн төрөлжсөн тусламж үзүүлж эхэлсний 10 жилийн ой тохиож байна

Улсын гуравдугаар төв эмнэлгийг түшиглэн хэрэгжүүлсэн “Тархины харвалт ба зүрхний шигдээс” төслийг А

Гачууртаас Шар хадны автобусны эцсийн зогсоол хүртэлх замыг энэ сарын 27-29-нд хааж өргөтгөл, шинэчлэлт хийнэ

Гачууртаас Шар хадны автобусны эцсийн зогсоол хүртэлх замыг энэ сарын 27-29-нд хааж өргөтгөл, шинэчлэлт хийнэ

Баянзүрх дүүрэг 10 дугаар хороо Гачууртын авто замаас Шар хадны автобусны эцсийн зогсоол хүртэлх авт

Сэтгүүлч Ж.Хэрлэн
Сэтгүүлч Ж.Хэрлэн