Нийслэлийн боловсролын газраас "School police" буюу сургуулийн цагдаагаар ажиллах эцэг, эх асран хамгаалагч нарт хандан дараах зөвлөмжийг гаргажээ. Үүнд:

• Зам хөндлөн гарах гэж ирсэн хүүхдийг явган хүний гарцын ойролцоо зогсоох, гарц руу ирж буй тээврийн хэрэгсэл рүү шар дарцгаар даллаж бүрэн зогссоны дараа явган зорчигчийг гарц руу оруулах
• Хөдөлгөөний ачаалал ихтэй үед явган зорчигчдыг аль болох бөөгнөрүүлж аюулгүй байдлыг хангаж зам хөндлөн гаргах (нэг хүүхэд, нэг автомашин явуулах байдлаар зохиомол түгжрэл үүсгэхгүй байх)
• Явган хүний гарцгүй хэсгээр зам гарах гэж байгаа хүүхэд, эцэг, эхчүүдийг гарцаар гарах шаардлага өгөх
• Сургууль орчмын бүсэд зорчих хэсэг дээр болон зорчих хэсгийн ойролцоо хүүхдийг спорт тоглоомоор тоглуулахгүй байх
• Унадаг дугуй, цахилгаан дугуй, скүүтертэй явган зорчигчдод шаардлага тавьж, тухайн тээврийн хэрэгслээсээ бууж явган түрж зам хөндлөн гарахыг шаардах зэргийг багтаажээ.