Явган зорчигчид зам тавьж өгөхийг шаардсан иргэний биед халдаж буй жолоочийн бичлэг өчигдөр (2024.09.25) нийгмийн сүлжээнд тархсан. Цагдаагийн байгууллагаас жолоочийг олж тогтоон, Зөрчлийн тухай хуулийн дагуу арга хэмжээ тооцжээ.

Тодруулбал, нийслэлийн Баянзүрх дүүргийн 43 дугаар хорооны нутаг дэвсгэрт байрлах Натур худалдааны төвийн дунд зам дээр эл зөрчил үүссэн. Зөрчлийг цагдаагийн байгууллагаас шалгаж зөрчил гаргасан тээврийн хэрэгслийн жолоочид Зөрчлийн тухай хуулийн тусгай ангийн 5.3 дугаар зүйлийн 1 дэх хэсэгт зааснаар 100 нэгжээр торгох шийтгэл оногдуулсан байна.

Ташрамд мэдээлэхэд, хохирогч 21 настай иргэн аж.