fitness
  • 742 үзэлт
  • 0 сэтгэгдэл
  • 2023-03-20


Гаалийн байгууллага олон улстай хамтын ажиллагаагаа сайжруулах, экспортыг дэмжих бодлогын хүрээнд тус байгууллага дээр “Гаалийн төв лабораторийг олон улсын итгэмжлэлд хамруулах” олон улсын зөвлөх үйлчилгээ үзүүлэх төсөл амжилттай хэрэгжлээ.  

Гаалийн төв лаборатори нь Олон улсын итгэмжлэгдсэн лабораториудын байгууллагын гишүүн, БНХАУ-ын итгэмжлэлийн байгууллага болох CNAS-аас уул уурхайн хүдэр баяжмал, нүүрс, газрын тосны бүтээгдэхүүний шинжилгээний чиглэлээр зургаан жилийн хугацаатайгаар итгэмжлэгдлээ. 



Уг итгэмлэлийг БНХАУ-аас өөрийн албан ёсны хаягаараа дамжуулан мэдээллийг түгээж, Монгол Улс албан ёсоор нэгдсэнийг зарласан байна. Албан ёсны итгэмжлэлийг өнөөдөр буюу гуравдугаар сарын 20-ны өдөр Гаалийн ерөнхий газарт гэрчилгээ, тамга, тэмдэгийг албан ёсоор гардуулан өглөө. 

Энэ үеэр Гаалийн лабораторийг олон улсын итгэмжлэлд хамруулах төслийн удирдагч С.Ганбат, “Дэлхийн 117 орныг эгнээндээ нэгтгэсэн Олон улсын итгэмжлэгдсэн лабораториудын байгууллага болох ILAC-ийн тэмдгийг Монгол Улсын Гаалийн төв лаборатори хэрэглэх эрхтэй болсон нь зөвхөн БНХАУ-аас хязгаарлагдахгүй гэдгийг онцлон тэмдэглэж баяр хүргэе. Түүнчлэн тус итгэмжлэлийг эрхийг авахад ГЕГ-ын удирдлагууд, төв лабораторийн хамт олон болон ГЕГ-ын санхүү хөрөнгө оруулалтын газар, Мэдээлэл технологийн газарт идэвхтэй оролцсонд талархсанаа илэрхийлье” гэв.   



ГЕГ-ын дарга Р.Отгонжаргал, “Гаалийн төв лаборатори нь Монгол Улсаас анх удаа БНХАУ-ын итгэмжлэгдсэн лабораторийн эрх авснаараа онцлог боллоо. Энэ нь цаашид олон бараа, бүтээгдэхүүний шинжилгээний чиглэлээр БНХАУ-ын итгэмжлэлийн хүрээг өргөтгөх, салбар лабораториудыг үндэсний болон олон улсын итгэмжлэлд хамруулах их ажлын үндэс суурь тавигдаж байна гэж үзэж байна.

Иймээс Гаалийн төв болон салбар лабораторийн үйл ажиллагааг өргөжүүлэх, олон улсын итгэмжлэлд хамруулах их ажилд олон улсын зөвлөх үйлчилгээний төслийн баг гаалийн байгууллагатай хамтран ажиллана гэдэгт итгэлттэй байна. Энэхүү итгэмжлэлийн эрхийг авснаараа уул уурхайн хүдэр баяжмал, нүүрс, газрын тосны бүтээгдэхүүнд хийсэн Гаалийн төв лабораторийн шинжилгээний үр дүнг БНХАУ-ын нутаг дэвсгэрт хүлээн зөвшөөрөх төдийгүй энэ нь уул уурхайн бүтээгдэхүүн экспортлож буй ААН-дэд гадаад худалдааг хөнгөвчлөх, цаг хугацаа, зардал хэмнэх зэрэг бизнесийн нэн тааламжтай нөхцлийг бүрдүүлэх ач холбогдолтой” хэмээн хэлээд төслийн багийнханд талархсанаа илэрхийлж, амжилт хүслээ. 

Бусад мэдээ

Угаарын хордлогоос сэргийлэх гарын авлага хэвлүүлэхэд 163 сая төгрөг төсөвлөжээ

Угаарын хордлогоос сэргийлэх гарын авлага хэвлүүлэхэд 163 сая төгрөг төсөвлөжээ

Таван толгой түлш ХХК-аас Галлагааны горим, бортого ашиглах, угаарын хийн хордлогоос урьдчилан сэргийлэх гарын авлага брошур хэвлүүлэх тендер зарлажээ. Энэ ажилд 163 сая төгрөг төсөвлөсөн бөгөөд өөрийн хөрөнгөөс гаргах аж.

Цэцэрлэгийн багачууд гимнастикийн спортоор ур чадвараа сорилоо

Цэцэрлэгийн багачууд гимнастикийн спортоор ур чадвараа сорилоо

Нийслэлийн цэцэрлэгийн хүүхдүүдийн уран хөдөлгөөнт гимнастикийн аварга шалгаруулах тэмцээн болж, шил

Чинбаяр Ч.
Чинбаяр Ч.