fitness
  • 349 үзэлт
  • 0 сэтгэгдэл
  • 2023-03-24
Зөөврийн хурд хэмжигч ашиглан гудамж, замуудад хяналт тавьж байна

Баянзүрх дүүргийн нутаг Улиастайн уулзвараас Налайх дүүрэг рүү явах чиглэлийн авто замд энэ оны эхний гурван сарын байдлаар нийт 376 зам тээврийн осол гарчээ.

Дээрх хугацаанд уг авто замд нэг хүний амь нас хохирсон, 15 хүн гэмтэж бэртсэн зам тээврийн осол, 360 эд материалын хохиролтой осол 360 бүртгэгдсэн байна.

Зам тээврийн осол, хэргийн үндсэн шалтгаан нь жолооч дүрэмд заасан тээврийн хэрэгслийн зөвшөөрөгдөх хурдыг хэтрүүлэх зөрчилтэй холбоотой байна.

Тиймээс Баянзүрх дүүргийн Цагдаагийн газрын Замын цагдаагийн хэлтсээс “Зөөврийн хурд хэмжигч” багаж ашиглан гудамж замын хяналт шалгалтын ажлыг тогтмол тавьж байна.

Шалгалтын явцад хурд хэтрүүлсэн зөрчил гаргасан нийт 1331 жолоочийг Зөрчлийн тухай хуулийн 14.7.31 дэх хэсэгт зааснаар 50000 төгрөгөөр торгож, зөвшөөрөгдөх хурдыг 50 хувиас дээш хэмжээгээр хэтрүүлсэн 31 жолоочийн тээврийн хэрэгсэл жолоодох эрхийг зургаан  сарын хугацаагаар хасаж, 50000 төгрөгөөр торгох шийтгэл ноогдуулжээ.

Иймд жолооч та бүхэн замын хөдөлгөөнд оролцохдоо дүрэмд заасан хурдны хязгаарыг Замын хөдөлгөөний дүрмийн 12.4.-т зааснаар “Тээврийн хэрэгслийн хурдыг суурин газарт цагт 60 км хэтрүүлэхгүй” байхыг ТЦА-аас анхаарууллаа.

Бусад мэдээ

"НӨАТ-ын буцаан олголтыг энэ долоо хоногт иргэдийн дансанд шилжүүлэхээр төлөвлөж байна"

"НӨАТ-ын буцаан олголтыг энэ долоо хоногт иргэдийн дансанд шилжүүлэхээр төлөвлөж байна"

2023 оны нэгдүгээр улирлын НӨАТ-ын буцаан олголтоороо 54,363 иргэн хөрөнгийн татвараа төлжээ. Тодруу

“Жендерт суурилсан хүчирхийлэлтэй тэмцэх 16 хоногийн аяны хүрээнд “Цагаан туузтаны хөдөлгөөн”-д нэгдлээ

“Жендерт суурилсан хүчирхийлэлтэй тэмцэх 16 хоногийн аяны хүрээнд “Цагаан туузтаны хөдөлгөөн”-д нэгдлээ

Дэлхийн 180 гаруй оронд жил бүрийн 11 дүгээр сарын 25-наас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг.

Ариунзул С.
Ариунзул С.