ЕБС-ийн сурагчдын эхний улирлын амралт 11 дүгээр сарын 2-8 хүртэл үргэлжилнэ. 

Сурагчдын амралт эхэлж байгаатай холбогдуулан эцэг эх, асран хамгаалагчид хүүхдэдээ тавих хараа хяналтаа сайжруулахыг анхааруулж байна. Тухайлбал, хүүхдээ хаана, хэнтэй, юу хийж байгааг лавлаж, гэртээ ганцааранг нь үлдээхгүй байх, шаардлагатай тохиолдолд харгалзах хүнтэй байлгах, чөлөөт цагийг нь аюулгүй өнгөрүүлэхэд анхаарахыг зөвлөж байна.

Мөн хүүхдэд болзошгүй эрсдэл, аюултай нөхцөл байдлын талаар насанд нь тохируулан ойлгуулж, аливаа асуудал тулгарсан үед хэнд, хэрхэн хандахыг зааж өгөх нь чухал юм.