“Dream Day” хүүхдийн театраас Дэлхийн нэрт хүүхдийн киноны найруулагч, продюсер Жон Эдвард Маскерын шилдэг бүтээлүүдийн нэг сургамжит, хөгжилтэй, хөнгөн өгүүлэмж, этгээд өвөрмөц баатруудаараа хүүхдийн зүрх сэтгэлийг татаж чадсан хүүхэлдэйн кино, эх зохиолоос нь сэдэвчилсэн “МЭЛХИЙ ГҮНЖ” хүүхдийн жүжгийг 2023 оны 3-р сарын 18, 19-ний өдрүүдэд Монголын Хүүхдийн Ордонд тоглох гэж байна.

Гол дүрийн ханхүүд УДЭТ-ын залуу жүжигчин Т.Сэргэлэн, УДЭТ-ын жүжигчин Т.Анхзул, Сичуаны Сайн хүн жүжигт тоглож буй жүжигчин  Ц.Төгсбилэгт нар тоглож байна. Жүжигт нийтдээ 30 гаруй мэргэжлийн жүжигчид, уран бүтээлчид оролцож байгаа аж. 

Орчин үед хүүхэд багачуудад урлагаар олгох боловсролын тогтолцооны үүрэг нэмэгдэж байна. Хүүхдийг театрын үйл ажиллагаанд татан оролцуулах асуудал чухлаар тавигдаж байгаа юм. Хүүхдийн хөгжилд ихээхэн нөлөө үзүүлэх тайзны урлаг гэдэг хамгийн чухал гэдгийг мэргэжлийн урлагийнхан онцолдог.