Газын зурвасын Жабалия хэмээх газар байдаг дүрвэгчдийн байр шатаж багаар бодоход 21 хүн амиа алдсан талаар ВВС агентлаг мэдээллээ. Амиа алдсан 21 хүний 10 нь хүүхэд байжээ. Галыг унтрааж, объектыг хяналтдаа авсан ч шалгалт бүрэн дуусаагүй байгаа тул хохирогчдын тоо нэмэгдэх магадлалтай юм байна.

Газын зурваст найман дүрвэгсдийн байр байдгийн нэг нь ийнхүү шатжээ.  

Израилийн Батлан хамгаалахын сайд Бенни Ганц галын улмаас хохирсон иргэдийг Израилийн эмнэлгүүдэд эмчлүүлэх боломжоор хангана гэж амалсан байна. Газын зурвас нь дэлхийн хүн ам хамгийн шигүү суурьшсан хэсэг бөгөөд 2.3 сая хүн амьдардаг нь 1 км2 талбайд 5700 хүн гэсэн үг юм. Үүнээс гадна дүрвэгсдийн найман хуаранд 600 мянган дүрвэгч амьдардаг хэмээн НҮБ-ын тайланд бичжээ.