Засгийн газрын өнөөдрийн ээлжит хуралдаанаас гарсан шийдвэрийн талаар БШУ-ны сайд Л.Энх-Амгалан танилцуулахдаа боловсролын зээлийн сангийн эргэн төлөлтийн талаарх мэдээллийг өгсөн юм.

Тэрбээр "Боловсролын зээлийн сангаас зээл аваад эргэн төлөөгүй 231 хүний нэрсийг зарласан. Үүнийг АТГ шалгаж байгаа ба урьдчилсан байдлаар тооцоход 10 тэрбум төгрөгийн хохирол учирч болохоор байна гэж байсан ч одоо 23 тэрбум төгрөг болж өссөн. Зээлийн сангийн мэдээлэл зарласнаас хойш БЗС-нд гадаад, дотоодын 100 гаруй сая төгрөг эргэн төлөгдсөн" гэв.

Боловсролын зээлийн сангаас 1997 оноос хойш зээл, тэтгэлэг, буцалтгүй тусламж авсан иргэдийн мэдээллийг өмнө нь зарласан.

Энэ хүрээнд:

•  Дотоодын  тэтгэлэг, буцалтгүй тусламж, оюутны хөгжлийн зээл авсан 52698 иргэн
• Буцалтгүй тусламжид хамрагдсан 154662 иргэн
• Гадаадын зээл, тэтгэлэг авсан бакалавр 421суралцагч, магистр докторын 1950 суралцагч
• Ерөнхий сайдын тэтгэлэгт хамрагдсан 23 иргэн
• Ерөнхийлөгчийн илгээлт 2100 хөтөлбөрт хамрагдсан244 хүүхдийн мэдээллийг ил болгож байна.

Гадаадад суралцаж төгссөн оюутнуудыг 3 ангилж болно.

• Суралцаад, эх орондоо ирж 5 ба түүнээс дээш жил ажиллан зээлээс чөлөөлөгдсөн 921 иргэн
• Гэрээний үүргийн хугацаа дуусаагүй буюу одоо ажиллаж байгаа 700 иргэн,
• Гэрээний үүргээ биелүүлээгүй 230 суралцагч байна. 230 иргэний мэдээллийг хуулийн байгууллагад шилжүүлэхээр ажиллаж байна.  Мөн Боловсролын зээлийн сангаас зээл авсан иргэдийн мэдээллийг Монгол банкны зээлийн мэдээллийн санд байршуулахаар бэлтгэл хангаж байна.

Иргэдийн мэдээлэлтэй ЭНЭ холбоосоос танилцана уу.