“Эрдэнэс Монгол” компанийн захирлаар С.Наранцогтыг өнгөрсөн арван нэгдүгээр сарын 30-нд томилсон. Тэрээр ажлаа аваад дөрвөн сар өнгөрчээ.

Энэ хугацаанд дараах шийдвэрүүдийг гаргасан байна:

• Төслийн гурван нэгж, 7 охин компанийг амжилтгүй ажилласан тул татан буулгана
• Төслийн судалгаа үнэлгээний газар шинээр байгуулна.
• Орлогын нэг эх үүсвэртэй байсныг төрөлжүүлнэ.
• “ЭТТ”, Дарханы төмөрлөгийн үйлдвэр сорчилж олборлон, уурхайн насжилтыг бууруулж байгааг өөрчилнө.
• Компанийн дүрмийг өөрчилж, нийт 270 ТУЗ-ийн гишүүн байсныг бууруулна.
• Ирэх таван жилийн стратеги боловсруулна.
• “Багануур”, “Шивээ-Овоо” ХК-иудын алдлагдлыг бууруулна.
• Охин компанийн зарим нь зээлтэй байхад зарим нь бэлэн мөнгөний илүүдэлтэй, хадгаламжтай байгааг санхүүгийн нэгдсэн тогтолцоонд шилжүүлнэ.          
• Эмнэлэг, сувилал, сургуулийг улсад шилжүүлнэ
• Газрын ховор элемент, шатах ашигт малтмалыг эдийн засгийн эргэлтэд оруулна.       

Өнгөрсөн хугацаанд “Эрдэнэс Монгол” компанийг УУХҮЯ, ЗГХЭГ-ийн харьяанд шилжүүлэх гэх мэтээр дарга нар өөр хоорондоо “шидэлцжээ”. Яг л ЭТТ-г булаалдан, УУХҮЯ, ЗГХЭГ, Төрийн өмчийн бодлого зохицуулалтын газар өөр өөрсдийн харьяанд авсан түүх “Эрдэнэс Монгол”-д бий. Үүний улмаас энэ компани өнөөг хүртэл нэгдсэн бодлогогүй, удирдлагын манлайлалгүй явсаар санхүүгийн хүндрэл оржээ.