Баянгол дүүргийн Газар Зохион байгуулалтын албанаас нийтийн эзэмшил газарт зөвшөөрөлгүй барьсан 57 тоосгон гараашийн газрыг чөлөөлжээ.

Баянгол дүүргийн наймдугаар хороо, 89 дүгээр цэцэрлэг орчмын 57 ширхэг тоосгон гараашийн газрыг чөлөөлжээ. Газрыг нийтийн эдэлбэрт хүлээлгэн өгч байна.

Нийслэлийн иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, явган хүний зам, талбайн хүрэлцээг нэмэх, түгжрэлийг бууруулах зорилт, Нийслэлийн Засаг даргын энэ оны дөрөвдүгээр сарын 04-ны өдрийн "Газрын зөрчил арилгах талаар авах зарим арга хэмжээний тухай" А/321 дүгээр захирамжийн хүрээнд гарааш чөлөөлж байна.

Мөн Баянзүрх дүүргийн 40 дүгээр хороо  Тулга төвийн баруун хойд талын 7 чингэлэг, төмөр гараашийн газрыг чөлөөлж нийтийн эдэлбэрт 160 м2 газрыг хүлээлгэн өгчээ.