fitness
  • 315 үзэлт
  • 0 сэтгэгдэл
  • 2023-05-24

Эрүүл мэндийн хөгжлийн төвийн захирлын 2023 оны А/33 дугаар тушаалаар байгуулагдсан ажлын хэсгийн төгсөлтийн дараах мэргэшүүлэх сургалт эрхлэх зөвшөөрөл шинээр хүссэн эрүүл мэндийн байгууллагуудад үнэлгээ хийх ажил үргэлжилж байна.

Энэ хүрээнд “Ерөнхий мэргэшил судлал” үндсэн мэргэшлийн сургалт эрхлэх зөвшөөрөл шинээр хүссэн Булган, Хөвсгөл аймгийн Нэгдсэн эмнэлэгт энэ сарын 16-19-нд ажиллаж үнэлгээний баг ажиллалаа.

Үнэлгээний багт Эрүүл мэндийн хөгжлийн төв болон ерөнхий мэргэшил судлалын үндсэн мэргэшлийн сургалт эрхэлж буй байгууллагын төлөөллөөс гадна Японы ЖАЙКА олон улсын байгууллагын дэмжлэгтэй хэрэгжиж буй “Эмч ба сувилагчийн төгсөлтийн дараах сургалтыг сайжруулах төсөл”-ийн ахлах зөвлөх Иноүэ Нобуаки оролцов.

Үнэлгээг Эрүүл мэндийн сайдын 2017 оны А/337 дугаар тушаалаар батлагдсан “Мэргэшүүлэх болон тасралтгүй сургалт зохион байгуулах, сургалт эрхлэх байгууллагыг сонгох, зөвшөөрөл олгох, сунгах, хүчингүй болгох журам”-д заасан эмнэл зүйн мэргэшүүлэх сургалтын 17 шалгуурын дагуу хийж, арга зүйн зөвлөгөө өглөө.

Булган аймгийн Нэгдсэн эмнэлэг нь Эрүүл мэндийн яам, Эрүүл мэндийн хөгжлийн төв, Японы ЖАЙКА олон улсын байгууллагын дэмжлэгтэй хэрэгжиж буй “Эмнэлгийн мэргэжилтний төгсөлтийн дараах сургалтыг сайжруулах төсөл”-ийн зорилтот байгууллага юм. Энэ хүрээнд “Ерөнхий мэргэшил судлал” үндсэн мэргэшлийн сургалт удирдах дотор, хүүхэд, эх барих эмэгтэйчүүд, яаралтай тусламжийн чиглэлээр эмнэл зүйн сургагч багш нарыг бэлтгэх, сургалтын орчинг бүрдүүлэхэд сургалтын хэрэглэгдэхүүн, гарын авлага, материалаар хангах зэрэг ажлыг үе шаттай бэлтгэн арга зүйгээр хангаж ажилласан.

Үнэлгээний багийнхныг Булган аймгийн Засаг дарга Б.Ариун-Эрдэнэ хүлээж авч уулзан орон нутагтаа хэрэгжүүлж буй “Шинэ хөгжлийн зам” хөтөлбөрийн хүрээнд хүний нөөцөөр бүрэн хангахын тулд анагаахын чиглэлээр мэргэжилтэн бэлтгэдэг их, дээд сургуулийн оюутан, залуустай уулзалт зохион байгуулж, аймаг, суманд ажиллахыг уриалан, амьдрах байраар хангах зэргээр нийгмийн асуудалд дэмжлэг үзүүлэн, эмч эмнэлгийн мэргэжилтнийг чадавхижуулах, шаардлагатай тоног төхөөрөмжөөр хангах, тусламж үйлчилгээний нэр төрлийг нэмэгдүүлэх, зарим мэс заслыг нутагшуулах, орон нутагтаа мэргэшүүлэх сургалт явуулдаг болоход бүхий л талаар дэмжин ажиллаж байгаагаа танилцуулсан. 

Тухайлбал, резидент эмчийн амьдрах байр, орчин нөхцөлийг бүрдүүлэх зорилгоор Халдвартын эмнэлгийн хуучин барилгын нэг жигүүрийг орон нутгийн хөрөнгөөр иж бүрэн засвар хийж, тохижуулахаар шийдвэрлэсэн байна.

Бусад мэдээ

ЕРӨНХИЙЛӨГЧ ГЭРГИЙН ХАМТ ЯПОНЫ ЭЗЭН ХААН, ХАТАНД БАРААЛХЛАА

ЕРӨНХИЙЛӨГЧ ГЭРГИЙН ХАМТ ЯПОНЫ ЭЗЭН ХААН, ХАТАНД БАРААЛХЛАА

Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэгийн хамт Япон Улсын Цог Жавхлант Эзэн Хаан Нарүхито, Эрхэм Дээд Хатан Масако нарт 2022 оны арваннэгдүгээр сарын 30-ны өдөр Эзэн Хааны ордонд бараалхав.

Д.Амарбаясгалан: 2019 онд гурилын салбарын үйлдвэрлэл 210 мянган тонн байхад гурил үйлдвэрлэгчид 240 тэрбум төгрөг олсон

Д.Амарбаясгалан: 2019 онд гурилын салбарын үйлдвэрлэл 210 мянган тонн байхад гурил үйлдвэрлэгчид 240 тэрбум төгрөг олсон

УИХ-ын хаврын чуулганаар Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан

Чинбаяр Ч.
Чинбаяр Ч.