К-поп ертөнцийн томоохон төлөөлөл болсон BTS хамтлагийн дуучин Шүга ирэх долоо хоногоос цахим ярилцлагын нэвтрүүлгээ хийж эхэлнэ гэж тус хамтлагийн агентлагаас мэдээллээ.

Хамтлагийн албан ёсны Youtube хуудаст түүний нэвтрүүлгийн тухай богино хэмжээний бичлэг хэдийн цацагдсан бөгөөд тэрээр хамтлагийн гишүүн РМ-тэй ликёр уунгаа ярилцаж байгаа нь харагдсан байна. “Suchwita” нэртэй түүний ярилцлагын нэвтрүүлэгт Шүга салбар салбарын хүмүүстэй юм уунгаа ярилцана гэж Big Music Hit-ээс мэдээлсэн.

Мөн түүнийг хөгжим болон бусад салбарын мэдлэгээ ашиглаж, оролцогчидтой маш сонирхолтой яриа өрнүүлнэ гэсэн хүлээлт хэдийн үүсээд эхэлсэн байна. Шүга-гийн нэвтрүүлэг ирэх даваа гарагаас цацагдана. 

Эх сурвалж: YONHAP