Төрийн эрх бүхий албан тушаалтнууд хөрөнгө, орлогын мэдүүлгээ жил бүрийн хоёрдугаар сарын 15-нд багтаан холбогдох байгууллагуудад хүргүүлдэг. УИХ-ын гишүүдийн хөрөнгө, орлогын мэдүүлгийг АТГ бүртгэж, жил бүрийн хоёрдугаар улиралд багтаан нийтэд мэдээлдэг хуультай. Үүний дагуу УИХ-ын гишүүдийн хөрөнгийн мэдээллийг АТГ-аас мягмар гарагт нээлттэй болгов.   

Тэгвэл төрийн гурван өндөрлөгийн хөрөнгө орлогын мэдүүлгийн мэдээллийг хүргэж байна.

Монгол Улсын Ерөнхийлөгч У.Хүрэлсүх 

• Өөрийн орлого: 103 сая төгрөг
• Гэр бүлийн орлого: 0 төгрөг
• Орон сууц, барилга байгууламж: 162 сая төгрөгийн үнэлгээ бүхий нэг орон сууц, нэг зуслангийн байшин
• Тээврийн хэрэгсэл: 284 сая төгрөгөөр үнэлгээ бүхий Harley Davidson, Harley Davidson-1, Lexus 570-1, Mercedes Benz, ML320 машинтай.
• Газар: 1.5 га газар
• Үнэт эдлэл: 100 сая төгрөгийн үнэлгээ бүхий үнэт эдлэл
• Хадгаламж: 900 сая
• Компани нөхөрлөл, хоршоонд оруулсан хөрөнгө оруулалт: Эрдэнэс Тавантолгой ХК 1072ш, Аялал жуулчлалын Илт Хан ХХК-ийн 58 хувийг эзэмшдэг. 

Монгол Улсын Ерөнхий сайд Л.Оюун-Эрдэнэ

• Өөрийн орлого: 249  сая төгрөг
• Гэр бүлийн орлого: 15 сая төгрөг
• Орон сууц, барилга байгууламж: 364 сая төгрөгийн үнэлгээ бүхий нэг нийтийн орон сууц
• Тээврийн хэрэгсэл: 30 сая төгрөгөөр үнэлэгдэх Toyota, Highlander- 1
• Мал, аж ахуй: 200 саяар үнэлэгдэх хурдан удмын адуу-5, адуу-23, үхэр-83, хонь-154, ямаа-149
• Үнэт эдлэл: 67 сая
• Хадгаламж: 26 сая
• Бэлэн мөнгө: 64 сая
• Авлага: байхгүй
• Зээл: байхгүй
• Компани нөхөрлөл, хоршоонд оруулсан хөрөнгө оруулалт: "Херо энтэртайнмент групп" ХХК-ийн 50 хувь, "Хүлэг контент" ХХК-ийн 100 хувийг эзэмшдэг.

УИХ-ын дарга Г.Занданшатар

• Өөрийн орлого: 58 сая төгрөг
• Гэр бүлийн орлого: 268 сая төгрөг
• Орон сууц, барилга байгууламж: 1.1 тэрбум төгрөгөөр үнэлэгдэх нэг орон сууц, нэг зуслангийн байшин, нэг үйлчилгээний талбай.
• Тээврийн хэрэгсэл: 80 сая төгрөгөөр үнэлэгдэх Nissan, Murano
• Мал, аж ахуй: Байхгүй
• Газар: 4.9 сая төгрөгийн үнэлгээ бүхий 699м2 газар
• Үнэт эдлэл: 130 сая төгрөгийн үнэт эдлэл
• Хадгаламж: 112  сая төгрөг
• Авлага: Байхгүй
• Зээл: 130 сая төгрөг
• Компани нөхөрлөл, хоршоонд оруулсан хөрөнгө оруулалт: Монитор консалтинг групп ХХК-ийн 100 хувь, Нэгүн кашмер ХХК-ийн 49 хувь, Монголиан Силикон Валлей ХХК-ийн 30 хувийг тус тус эзэмшдэг.