ШӨХТГ-ын дарга С.Мөнхчулуун гурилын үнийг үндэслэлгүйгээр нэмсэн гурван компанийг шалгаж буй талаар мэдээлэл өглөө.

Тэрбээр "Гурилын үнэ өсөж байгаа асуудал яригдаж байна. Хяналт шалгалт хийхэд гурилын зах зээл дээр одоогийн байдлаар давамгай байдалтай аж ахуйн нэгж тогтоогдоогүй. Давамгай байдалтай аж ахуйн нэгж тогтоогдохгүй бол үндэслэлгүйгээр гурилын үнийг өсгөсөн байна гэж тогтоох боломжгүй. Гэвч тайлбар материалаа ирүүлж, хяналт шалгалтад хамрагдах ёстой байсан ААН-үүдээс материалаа ирүүлээгүй газрууд бий. 

Материалаа ирүүлэх шаардлагыг дахин хүргүүлж байгаа. Аравдугаар сарын 20-ны өдөр гурван компани гурилын үнээ нэмсэн. Энэ өдөр үнээ зайлшгүй нэмэх ёстой байсан гэдэг үндэслэл тогтоогдоогүй. Тиймээс тус гурван компанид зөрчлийн хэрэг нээн шалгаж байна" гэлээ.