Нийслэл НҮБ-ын нэрэмжит “Хүүхдийн сангийн гудамж”-тай болов

604 үзэлт
0 сэтгэгдэл
2022-12-09

Монгол Улс НҮБ-д элссэний 61 жилийн ой энэ жил тохиож байгаа. Энэ хүрээнд нийслэл НҮБ-ын нэрэмжит гудамжтай болжээ.

Тодруулбал, Сүхбаатар дүүргийн 11 дүгээр хороо, Элистейн гудамжнаас хойш орон сууцны Хангай хороолол, 131 дүгээр бага сургууль, цэцэрлэгийн дундуур Цагдаагийн гудамж хүртэлх 450 метр авто замыг НҮБ-ын нэрэмжит “Хүүхдийн сангийн гудамж” хэмээн нэрлэхээр болжээ.

Уг тогтоолыг өнгөрсөн сард НИТХ-ын хурлаар баталсан байна.

НҮБ-ын нэрэмжит болгон гудамж нэршүүлсэн талаарх тогтоолыг Монгол дахь НҮБ-ын Хүүхдийн Сангийн Суурин төлөөлөгч Эваристе Коуасси-Комланд өнөөдөр гардуулан өгчээ.