Монгол, Герман улс мэргэжлийн боловсролын салбарт хамтран ажиллана

527 үзэлт
0 сэтгэгдэл
2023-10-12

Боловсрол, Шинжлэх ухааны яамны Төрийн нарийн бичгийн дарга Л.Цэдэвсүрэнгээр ахлуулсан мэргэжлийн болон техникийн боловсролын сургуулийн захирал, удирдлагууд, мэргэжлийн холбоодын төлөөлөл, салбарын чиглэл хариуцсан мэргэжилтнүүд ХБНГУ-д томилолтоор ажиллаж байна.

Энэ оны 07 дугаар сард батлагдсан мэргэжлийн болон техникийн боловсрол, сургалтын тухай хуульд хосмог сургалт, санхүүжилт, чанарын баталгаажилтын талаар эрх зүйн зохицуулалт тусгагдсан.

ХБНГУ-ын мэргэжлийн боловсролын хосмог сургалтын тогтолцоо, үйл ажиллагааг судлан Монгол Улсын мэргэжлийн боловсролын салбарт нэвтрүүлэн нутагшуулах, сургууль хоорондын хамтын ажиллагааг хөгжүүлэх, идэвхжүүлэх, чанарын үнэлгээний системийг судлах чиглэлээр ажиллаж байна.