БНХАУ-ын Ханжоу хотод зохион байгуулагдаж буй Азийн зуны спортын пара наадмын медалийн салхийг хагалж Монголын паратаеквондогийн үндэсний шигшээ багийн тамирчин, ДАШТ-ий хүрэл медальт У.Сүрэнжав мөнгөн медаль хүртлээ.Тэрээр шигшээ тулаанд БНХАУ-ын Шиан Шаотой тэнцүүхэн тулааныг өрнүүлж 10:9 харьцаагаар хожигдон Азийн наадамд үзүүрлэлээ.

У.Сүрэнжавын хувьд тус тамирчинтай энэ онд хоёр удаа учраа таарч хоёуланд нь хожиж байлаа.

Азийн наадмын медальтан болсон У.Сүрэнжавдаа баяр хүргэхийн сацуу үлдсэн өдрүүдэд тулалдах Монгол таеквондочдодоо амжилт хүсье.