Монгол Улсын хэмжээнд ус цаг уурын салбарын 1900 гаруй алба хаагч 24 цагийн турш тасралтгүй ажилладаг ба агаар, хөрс, усны төлөв байдлыг шинжихээс гадна ус, цаг агаарын урьдчилсан мэдээ болон аюултай үзэгдлийн мэдээллийг гаргадаг юм. Байгалийн гамшигт үзэгдлийг шинжлэх ухааны үндэслэлд тулгуурлан урьдчилан мэдээлэх, хөдөө аж ахуй, малчид, тариаланчид гэх мэт ус, цаг уурын мэдээлэл хүн бүрийн амьдралд чухал нөлөөлөл үзүүлдэг.

Байгаль орчин, аялал жуулчлалын Сайд Б.Бат-Эрдэнийн санаачилгаар зохион байгуулж буй Ус цаг уур, орчны хяналт шинжилгээний "Үндэсний зөвлөгөөн" -өөр салбарын өнөөгийн байдал, тулгамдсан асуудал, цаашдын зорилго, хөгжлийн хөтөлбөрөө тодорхойлох юм. Зөвлөгөөнд 21 аймгийн 700 гаруй алба хаагч оролцоно.