Монгол Улсад энэ оны эхний 11 сарын байдлаар 33.5 мянган гэмт хэрэг бүртгэгджээ.

Энэ нь өмнөх оны мөн үеэс 44.3 хувиар өссөн үзүүлэлт аж. Гэмт хэргийн гаралт өсөхөд өмчлөх эрхийн эсрэг гэмт хэрэг нөлөөлж, 63 хувийг дангаараа эзэлжээ. Үүн дотроо цахим залилангийн гэмт хэрэг өндөр үзүүлэлттэй байна.

Мөн эхний 11 сарын байдлаар АТГ-д авлигын 441 гэмт хэрэг бүртгэгдсэн бөгөөд өмнөх оноос 43.2 хувиар өсжээ. Үүн дотроо эрх мэдэл албан тушаалын байдлаа урвуулан ашиглах гэмт хэрэг 56.8 хувиар өссөн нь голлох нөлөө үзүүлсэн байна.

Эх сурвалж: Үндэсний статистикийн хороо