Эрх мэдэл албан тушаалын байдлаа урвуулан ашигласан, хахууль өгсөн гэх хэрэг үйлдсэн иргэн Д.Мөнх-Эрдэнэд шүүхээс нэг жилийн хугацаагаар хорих ял оноосон.

Тэрбээр шүүхийн шийдвэр гүйцэтгэх байгууллагын ажилчид “Багтай зэвсэглэсэн хүмүүс намайг нүцгэлж гүйлгэн, цахилгаан бороохойгоор цохиулж, зодох зэргээр эрүүдэн шүүсэн” гэх асуудлыг хэвлэлд ярьжээ.

Энэ талаар Шүүхийн шийдвэр гүйцэтгэх ерөнхий газраас “Д.Мөнх-Эрдэнийг ямар нэгэн байдлаар эрүүдэн шүүсэн, хүний эрх зөрчсөн асуудал байхгүй. Энэ бол худал мэдээлэл түгээж, байгууллагын нэр төрд халдсан үйлдэл.

Д.Мөнх-Эрдэнийн гаргасан гомдлын дагуу Улсын Их Хурал, Улсын Их Хурал дахь Ардчилсан намын бүлэг, прокурорын байгууллага, Хүний эрхийн Үндэсний комиссоос шалгалт хийсэн” гэж тайлбарлав.