Хүүхэд насанд шинэ жил хамгийн догдлол дүүрэн баяр байдаг. Ялангуяа өвлийн өвгөнөөс бэлэг гардаж авах тэр мөч хамгийн нандин дурсамж болон үлддэг. Хүүхэд бүрд тэр нандин дурсамжийг бүтээхийн төлөө Юнител группийн ажилчид жил бүр Монгол улсын алслагдсан бүсэд амьдран сууж буй бяцхан дүү нартаа гэнэтийн бэлэг барьдаг уламжлалтай.

Энэ жилийн хувьд Монгол улсын зүүн хязгаар Дорнод, баруун хязгаар Говь-Алтай, Увс аймгуудад 500 гаруй бэлгийг итгэл найдвар өгөх чин сэтгэлийн үгстэй ил захидлын хамт шинэ жилээс өмнө урьтаж хүргэлээ.

Ийнхүү “Жаргалтай гайхалтай” аян маань дөрөв дэх жилдээ үргэлжилж, 500 гаруй бяцхан зүрхэнд инээд хөөр, аз жаргал бэлэглэж чадсан гэдэгт итгэлтэй байна.

Бяцхан дүү нартаа шинэ оны мэндийг хүргэе, хүсэл бүхэн нь биелэх болтугай.