fitness
  • 272 үзэлт
  • 0 сэтгэгдэл
  • 2024-01-03

Хөдөлмөр, нийгмийн түншлэлийн гурван талт Үндэсний хорооны 2023 оны аравдугаар сарын 13-ны 12 дугаар тогтоолоор хөдөлмөрийн хөлсний доод хэмжээг 20 хувиар нэмж, 660 мянган төгрөгөөр тогтоосон. Уг шийдвэр 2024 оны нэгдүгээр сарын 1-ний өдрөөс хэрэгжиж эхэллээ.

Монгол Улсад 100 мянга гаруй иргэн дээрх хэмжээгээр цалинжиж байна.

Олон Улсын хөдөлмөрийн байгууллагын тодорхойлсноор “Хөдөлмөрийн хөлсний доод хэмжээ” нь цалин хөлсний хуваарилалтын хамгийн доод хэсэгт байгаа ажилчдыг хамгаалах зорилгоор тогтоосон цалингийн бүтцийн суурь давхаргын хамгийн бага хэмжээ юм.

Монгол Улсын “Хөдөлмөрийн хөлсний доод хэмжээний тухай хууль’’-д “Хөдөлмөрийн хөлсний доод хэмжээ гэдэг нь тодорхой боловсрол, тусгай мэргэжил үл шаардах энгийн ажилд хөдөлмөрийн гэрээ болон хөлсөөр ажиллах гэрээ, тэдгээртэй адилтгах бусад гэрээгээр ажиллаж байгаа ажиллагчдын хууль ёсны ашиг сонирхлыг хамгаалах зорилгоор эрх бүхий этгээдээс тогтоосон цагийн үндсэн цалин (хөлс)-гийн нийтээр дагаж мөрдвөл зохих хамгийн доод хязгаар хэмээн тодорхойлжээ.

Хөдөлмөрийн хөлсний доод хэмжээний тухай хуулийн 4.2-т зааснаар хөдөлмөрийн хөлсний доод хэмжээг:

  • Хүн амын амьжиргааны өртгийн өөрчлөлт,
  • хөдөлмөрийн бүтээмж, дундаж цалингийн зохистой харьцаа,
  • Нийгмийн даатгалын сангаас олгох бүрэн тэтгэврийн доод хэмжээ,
  • эдийн засгийн өсөлт, хөдөлмөр эрхлэлтийн түвшин,
  • инфляцын түвшинтэй уялдуулан өөрчлөн тогтоож байхаар заасан.


Бусад мэдээ

Энэ жил улсын хэмжээнд 11,294 ээж Алдарт эхийн нэг, хоёрдугаар одон хүртэж байна

Энэ жил улсын хэмжээнд 11,294 ээж Алдарт эхийн нэг, хоёрдугаар одон хүртэж байна

Монгол Улсын Ерөнхийлөгч Ухнаагийн Хүрэлсүх Олон улсын хүүхдийн эрхийг хамгаалах өдрийг тохиолдуулан

Д.Амарбаясгалан: Яамдаас ирсэн саналын дагуу энэ жил зуны цагийн хуваарьт шилжихгүй

Д.Амарбаясгалан: Яамдаас ирсэн саналын дагуу энэ жил зуны цагийн хуваарьт шилжихгүй

Зуны цагийн хуваарьт шилжих асуудлаар ЗГХЭГ-аас мэдээлэл өглөө.ЗГХЭГ-ын дарга Д.Амарбаясгалан "Зуны

Чинбаяр Ч.
Чинбаяр Ч.