fitness
  • 203 үзэлт
  • 0 сэтгэгдэл
  • 2024-01-04

Монгол Улсын Их Хурлын чуулганы 2023 оны нэгдүгээр сарын 4-ний өдрийн нэгдсэн хуралдаанаар Сонгуулийн Ерөнхий Хороо(СЕХ)-ны гишүүнээр Улсын Бүртгэлийн Ерөнхий Газар(УБЕГ)-ын дарга Д.Дэлгэрсайхан, Цагдаагийн Ерөнхий Газар(ЦЕГ)-ын дарга Т.Сүхболд нарыг томилох тогтоолын төслийг баталсан.

Ингэснээр Төрийн байгуулалтын байнгын хорооноос шинээр томилогдсон гишүүдийн тангараг өргөх ёслолын ажиллагааг зохион байгууллаа. Томилогдсон гишүүд “Монгол Улсын Үндсэн хууль, сонгуулийн хууль тогтоомжийг дээдлэн сахиж, Сонгуулийн Ерөнхий Хорооны гишүүний үүргээ шударгаар биелүүлэхээ батлан тангараглая” хэмээн тангараг өргөөд, Тангаргийн хуудсанд гарын үсэг зурав. 

 

Тангараг өргөсөн гишүүдэд СЕХ-ны гишүүний үнэмлэхийг Улсын Их Хурлын гишүүн, Төрийн байгуулалтын байнгын хорооны дарга Н.Энхболд гардуулан өгч, ажлын амжилт хүссэн юм.

Тэрбээр ардчилсан чөлөөт сонгуулийн алтан дэнс, ард түмний засаглах эрхийн мөнхийн манаа болсон үйл хэрэгтээ бие даасан, хараат бус байдлыг бүрэн хангаж, ил тод, шударга байх зарчмыг хэлбэрэлтгүй баримтална гэдэгт итгэлтэй байгаагаа илэрхийллээ.

Түүнчлэн ард иргэдийн шууд буюу төлөөлөгчдийн байгууллагаараа дамжуулан төрийн үйл хэрэгт оролцох, сонгох, сонгогдох эрхийг хэрэгжүүлэгч Сонгуулийн төв байгууллагын үйл ажиллагаанаас олон нийтийн төрд итгэх итгэл төдийгүй улс орны бүрэн эрхт байдал хамаарна гэдгийг цохон тэмдэглэсэн юм.

Ёслолын ажиллагаанд Сонгуулийн ерөнхий хорооны гишүүд, Төрийн байгуулалтын байнгын хорооны зөвлөхүүд болон албаны бусад хүмүүс байлцав хэмээн Улсын Их Хурлын Хэвлэл мэдээлэл, олон нийттэй харилцах газраас мэдээллээ.


Бусад мэдээ

АТГ-т долоо хоногт иргэн, хуулийн этгээдээс ирүүлсэн 79 өргөдөл, гомдол иржээ

АТГ-т долоо хоногт иргэн, хуулийн этгээдээс ирүүлсэн 79 өргөдөл, гомдол иржээ

Авлигатай тэмцэх газрын Судалгаа шинжилгээний алба нь 2023 оны зургаадугаар сарын 12-16-ны өдрүүдэд

Булган аймагт зочлох Солонгосчуудад зориулж "Нэг жуулчин-Нэг хонь" хөтөлбөр хэрэгжүүлнэ

Булган аймагт зочлох Солонгосчуудад зориулж "Нэг жуулчин-Нэг хонь" хөтөлбөр хэрэгжүүлнэ

Байгаль орчин аялал жуулчлалын яамнаас цаг үеийн асуудлаар өнөөдөр мэдээлэл хийлээ.Аялал жуулчлалын

Чинбаяр Ч.
Чинбаяр Ч.