Гэмтэл согог судлалын үндэсний төвөөс "Эрүүл Монгол хүн" үндэсний хөдөлгөөний хүрээнд иргэд олон нийтэд зориулсан эрүүл мэндийн урьдчилан сэргийлэх зөвлөгөө, мэдээллийг цувралаар хүргэж байгаа билээ.

ГССҮТ-ийн Нурууны мэс заслын тасгийн их эмч Б.Мөнх-Очир нурууны суулт буюу жийргэвч мөгөөрсний цүлхийлт үүсэх шалтгаан, илрэх шинж тэмдэг, хүндрэх эрсдэл, эмчилгээний талаар мэдээлэл өглөө.

Нурууны жийргэвч мөгөөрсний цүлхийлт үүссэн үед эмчилгээний буруу аргыг хэрэглэх, эмнэлэгт хандахгүй удаан хугацаанд явснаас болж нугасанд өөрчлөлт орох, саажилт үүсэх зэрэг хүндрэлийн шалтгаан нэмэгддэг байна.