Дэлхий дахин 2022 оноо үдэж, 2023 оноо баяр хөөртэйгөөр угтан авлаа. 2020 оноос хойш дэлхий нийт анх удаа ковидын хязгаарлалтгүйгээр шинэ жилийн баярыг тэмдэглэлээ.
Өнгөрсөн жил коронавирусийн омикрон хувилбар хурдацтай тархсанаар дэлхийн хотууд баярын үйл ажиллагаагаа багасгаж, зарим нь арга хэмжээнүүдээ бүрмөсөн цуцалсан.
Харин энэ жил шинэ жилийн баярыг хүссэнээрээ тэмдэглэцгээв. Лондон хотод ёслолын буудлага, гэрлийн шоуны үеэр хааны морин харуулын байрыг Украины далбааны өнгөөр гэрэлтүүлэв.
Мөн өнгөрсөн жил ОХУ-ын халдлагад өртсөн Украиныг дэмжиж буйгаа илэрхийлж, Энэ жилийн Евровидение дууны тэмцээнд түрүүлсэн Укаины "Калуш" хамтлагийн "Стефания" дууг тавьжээ.
Мөн 2022 онд таалал төгссөн хатан хаан II Элизабетийн дүрсийг дроноор үзүүлсэн байна.
Киевт цагийн хязгаар тогтоосон тул шинэ жилээ эрт тэмдэглэхээс өөр аргагүй болсон.
