fitness
  • 216 үзэлт
  • 0 сэтгэгдэл
  • 2024-03-07

Монгол цэргийн өдөр, Зэвсэгт хүчний 103 жилийн ойг угтан НЗДТГ-ын Цэргийн штабаас “Би эх орны ирээдүй” хөтөлбөрийг хэрэгжүүлж байна. Энэ хүрээнд нийслэлийн ерөнхий боловсролын сургуулиудын 12 дугаар ангийн сурагчдад Монгол Улсын Үндсэн хууль, Батлан хамгаалах тухай багц хуулиудын танилцуулга, Монгол Улсын эх оронч, түүхэн уламжлалын талаар лекц, ярилцлага, танилцуулга хийжээ.

Нийслэлийн ерөнхий боловсролын 23 дугаар сургуулийн сурагч Б.Ананд, Манай аав Зэвсэгт хүчний хурандаа хүн. Тэр ч утгаараа би сургуулиа төгсөөд Батлан хамгаалахын их сургуулийн Соёл хүмүүжлийн ангид элсэн, цэргийн сэтгэлзүйчээр суралцах хүсэлтэй.

Сүүлийн жилүүдэд хэвлэл мэдээллийн хэрэгсэл болон цахим орчинд цэргийн алба хаагч амь эрсэдсэн талаарх мэдээллүүд гарч байгаа. Цэргийн сэтгэлзүйч болоод, тэдэнд тулгарч буй асуудлыг хуваалцан, сэтгэл санааг нь дэмжиж, өөрийн чадах бүхнээр туслахыг хүсдэг гэв.

НЗДТГ-ын Цэргийн штабын дарга Г.Ялалт, Батлан хамгаалах бодлого, Зэвсэгт хүчний үйл ажиллагааг сурталчлах, иргэн-цэргийн харилцааг бэхжүүлэх, хүүхэд залууст үндэсний бахархал, уламжлалыг төлөвшүүлэх, боловсрол, оюун санаа, бие бялдрыг хөгжүүлэх зорилгоор уг хөтөлбөрийг хэрэгжүүлж байна.
Хөтөлбөрийн хүрээнд нийслэлийн хэмжээнд үйл ажиллагаа явуулж буй төрийн болон төрийн бус өмчийн ерөнхий боловсролын сургуулиудын 12 дугаар ангийн 600 гаруй бүлгийн 17 мянга орчим сурагчид мэдлэг, мэдээлэл олголоо. Энэхүү арга хэмжээг хэрэгжүүлснээр ирээдүйн Монгол Улсын хөгжлийг тодорхойлох иргэд маань эх орноо хайрлах сэтгэл зүрхтэй, зөв төлөвшилтэй, харьцааны соёлтой, бие бялдрын өв тэгш хүмүүжилтэй, эрүүл монгол хүн болж төлөвшихөд тодорхой хувь нэмэр оруулна хэмээн үзэж байна гэлээ.

Мөн тус үйл ажиллагаанд ерөнхий боловсролын сургуулиуд өндөр ач холбогдол өгөн, идэвхтэй оролцож, хамтран ажиллаж байгаад талархаж буйг тэрбээр онцолсон юм.

Нийслэлийн ерөнхий боловсролын 23 дугаар сургуулийн сурагч Б.Мөнхзаяа, Би цэрэг-спортын “Дөл” улсын аварга шалгаруулах тэмцээнд оролцож байсан удаатай. Уг тэмцээнд орсноор цэргийн амьдрал ямар байдгийг тодорхой хэмжээнд мэдэж авсан. Тухайн үед сар гаруйн хугацаанд цэргийн дэглэмтэйгээр Батлан хамгаалахын их сургуульд байрлан, өглөө эрт босон гүйж, алхаагаа бэлдэж байсан зэрэг нь их дурсамжтай үйл явдал болсон хэмээсэн юм.
“Би эх орны ирээдүй” хөтөлбөрийг цаашид ч мөн үргэлжлүүлэн хэрэгжүүлэх аж. Тодруулбал, Халхын голын дайны ялалтын 85 жилийн ой,  Монгол Улсад генерал цол үүссэний түүхт 80 жилийн ой, Монгол цэрэг энхийг дэмжих ажиллагаанд оролцож эхэлсний 22 жилийн ой зэрэг цэрэг армид тохиолдож буй онцлох өдрүүдийг угтан, холбогдох байгууллагуудтай хамтран биет болон биет бус олон сонирхолтой арга хэмжээнүүдийг зохион байгуулна.

Эх сурвалж: НЗДТГ, ХМОНХХ 

Бусад мэдээ

Малын бэлчээрээс, гадаадаас, хаанаас ч хууль тогтоох ажиллагаанд саналаа өгч болно

Малын бэлчээрээс, гадаадаас, хаанаас ч хууль тогтоох ажиллагаанд саналаа өгч болно

“Иргэн та хүч” залуучуудын санаачилгыг үүсгэн байгуулагч Б.Өлзийбат “D өргөдөл гэж юу вэ?” сэдвийн х

Сонгуульд оролцох хүсэлтээ 60-аас доошгүй хоногийн өмнө СЕХ-нд хүргүүлнэ

Сонгуульд оролцох хүсэлтээ 60-аас доошгүй хоногийн өмнө СЕХ-нд хүргүүлнэ

Иргэдийн улс төрийн эрх, эрх чөлөөг хангаж, хамгаалах, сонгуулийн боловсрол мэдлэгийг дээшлүүлэх зор

Ариунзул С.
Ариунзул С.