"Согтуугаар тээврийн хэрэгсэл жолоодвол 10 сая төгрөгөөр торгож, төлөхгүй бол хоёр жил албадан ажил хийлгэнэ. Шинэ хууль хэрэгжээд хоёр хонож байна" гэх бичвэрийг иргэд 2023 он гарснаас хойш түгээгээд эхэлсэн. 

Гэвч хуульд ийм өөрчлөлт ороогүй болохыг Тээврийн цагдаагийн албанаас мэдээллээ. 

Өөрөөр хэлбэл, Зөрчлийн тухай хуулийн 14.4-т зааснаар согтуугаар тээврийн хэрэгсэл жолоодсон бол 400 мянгаас 600 мянган төгрөгөөр торгож, жолоодох эрхийг нэг жилээр хасах, мөн тээврийн хэрэгсэл жолоодох эрхгүй үедээ согтуугаар жолоодсон бол албадан сургалтад хамруулж, 7-30 хоног баривчлах шийтгэл оногдуулна гэх заалт хэвээр үйлчилж байна.