Хөшигийн хөндийн “Чингис хаан” олон улсын нисэх буудлын авто зогсоол 2024 оны дөрөвдүгээр сарын 8-ны өдрөөс төлбөртэй болох шийдвэр гарчээ.

Тодруулбал нисэх буудлын авто зогсоолд 30 минут хүртэлх хугацаанд суудлын машинаа байршуулбал төлбөргүй бол 31 дэх минутаас нэг цаг хүртэл 1,500 төгрөгийн хураамж авах юм байна.

Харин ачааны машин болон автобусыг 30 хүртэл минут байршуулбал 1,000 төгрөг төлөх тариф гарчээ.

Авто зогсоолын төлбөрийн дээд хэмжээ бүх төрлийн тээврийн хэрэгсэлд 4,500 төгрөг байна.

Нисэх буудлын авто зогсоол ашигласны төлбөрийн хэмжээ:

№	Автомашины төрөл	Хугацаа, хураамж
		1-30 минут	31-60 минут	61-90 минут	91-120 минут	121-150 минут	150 минутаас дээш
1.	Суудлын автомашин	0 ₮	1,500 ₮	2,000 ₮	2,500 ₮	3,000 ₮	4,500 ₮
2.	Автобус, ачааны машин	1,000 ₮	2,000 ₮	2,500 ₮	3,000 ₮	3,500 ₮

Авто зогсоол ашигласны төлбөрийг нисэх буудлын дотор болон гадна байрлах “Төлбөр хураах цэг”-үүдэд бүх хэлбэрээр төлөх боломжтой. 

Төлбөр хураах цэгийн байршил:

 

Монгол, Япон улсын Засгийн газар хоорондын байгуулсан Концессын гэрээний 14 ба 20 дугаар зүйлүүдийг хэрэгжүүлэх зорилгоор “Авто зогсоолын төлбөр хураах цэг”-ийг байгуулж, тарифыг баталжээ.