2023-2024 оны хичээлийн жилд улсын хэмжээнд Ерөнхий Боловсролын Сургуульд/ЕБС/ 781,178 хүүхэд суралцаж байна. Эдгээрийн 75,100 нь нэгдүгээр ангийн сурагч.

Тэгвэл 1-2 дугаар ангийн сурагчид тавдугаар сарын 31-ний Баасан гарагт хичээллээд зургаадугаар сарын 1-нээс зуны амралт эхлэх хуваарьтай байна.

Харин 3-5 дугаар сурагчид зургаадугаар сарын 7-нд, 6-12 дугаар ангийн сурагчид зургаадугаар сарын 14-нд хичээллээд амрах хуваарийг БШУЯ-наас гаргажээ.Түүнчлэн энэ жил улсын хэмжээнд 12 дугаар ангийг 35,485 суралцагч төгсөнө. Үүн дээр өмнөх оны шалгуулагчид нэмэгдэж, 40,000 орчим шалгуулагч их, дээд сургуульд орох Элсэлтийн Шалгалт өгөх тооцоолол гарчээ.