Нийслэлийн засаг даргын 2024 оны нэгдүгээр сарын 12-ны өдрийн  А/32 дугаар захирамжаар Хотын гол болон туслах гудамж замуудын засвар, шинэчлэлтийн 13-н төсөл арга хэмжээний ажлууд батлагдан, гэрээ байгуулагдсан билээ. Дараах хоёр байршилд засвар, шинэчлэлтийн ажлыг эхлүүлсэн байсан нь өнөөдөр дуусгавар болж, замуудыг нээж байна.

1. Баянзүрх дүүргийн дөрөвдүгээр хороо, Намъяанжугийн гудамж

Баянзүрх дүүргийн дөрөвдүгээр хороо, Намъяанжугийн гудамжны хэсэгчилсэн засвар, шинэчлэлтийн ажлын хоёрдугаар хэсэг болох Зүүн дөрвөн замын уулзвараас Халдвартын уулзвар хүртэлх замыг тавдугаар сарын 1-ний 22:00 цагт хаасан билээ. Тэгвэл "Намъяанжугийн гудамжны асфальт бетон хучилтын ажил бүрэн дуусаж тээврийн хэрэгслийн хөдөлгөөнийг өнөөдөр /2024.05.03/ нээсэн байна.

2. Ботаникийн эцсээс 12-н автобусны буудал хүртэлх авто зам

Ботаникийн эцсээс 12-н автобусны буудал хүртэлх авто замыг дөрөвдүгээр сарын 29-ний өдрийн 22:00 цагаас тавдугаар сарын 2-ний өдрийн 06:00 цагийн хооронд хааж зам шинэчлэлтийн ажил хийсэн. Өнөөдөр /2024.05.03/ тэмдэг тэмдэглэгээг бүрэн хийж дуусан замын хөдөлгөөнийг нээжээ.