fitness
  • 150 үзэлт
  • 0 сэтгэгдэл
  • 2024-05-14

Бүгд Найрамдах Солонгос Улсаас Монгол Улсад суугаа Элчин сайдын яам нь БНСУ-ын Олон улсын боловсролын хүрээлэнтэй хамтран "2024 Study In Korea Education Fair In Mongolia" Боловсролын үзэсгэлэн яармаг арга хэмжээг энэ амралтын өдрүүдэд буюу 2024 оны тавдугаар сарын 18-19-ний өдрүүдэд Улаанбаатар зочид буудалд зохион байгуулна.

Энэ жилийн үзэсгэлэн яармагт Солонгосын 38 их дээд сургууль болон холбогдох хоёр байгууллагаас төлөөлөгчид Монголд биечлэн ирж асар ажиллуулж байгаа бөгөөд сургууль тус бүр тэтгэлгийн мэдээлэл болон гадаад оюутнуудад зориулсан хөтөлбөрөө танилцуулан, оролцогчдод зөвлөгөө өгөх болно.

skip-share

БНСУ-ын Засгийн газар зохион байгуулж, их дээд сургууль шууд оролцож буй цорын ганц арга хэмжээ

Улаанбаатар зочид буудлын 2 давхрын Сонгинохайрхан танхимд өдөр бүр 11 цагаас 15 цаг хүртэл тухайн сургуулийн ажилтнууд өөрсдийн сургуулиа танилцуулах өдөрлөг зохион байгуулахын  зэрэгцээ үзэсгэлэнгийн танхимд хүрэлцэн ирсэн хүмүүс монгол, англи хэлээр бэлтгэсэн сургуулийн танилцуулга тараах материалыг авч үзэж болно.

Тухайн өдөр биеэр хүрэлцэн ирэх боломжгүй тохиолдолд Солонгост суралцах нэгдсэн сайт болох (www.studyinkorea.go.kr) цахим хуудсаар онлайн үзэсгэлэн яармагт оролцох боломжтой бөгөөд онлайнаар ч мөн тухай бүр цахим зөвлөгөө өгөхөөр төлөвлөж байна.

Энэхүү үзэсгэлэн яармаг нь БНСУ-ын Засгийн газар зохион байгуулж, их дээд сургууль шууд оролцож буй цорын ганц арга хэмжээ учраас Монголын шилдэг оюутан сурагчдыг Солонгост суралцах талаар бодит зөв мэдээлэл авах боломжтой талбар болох юм.  


Бусад мэдээ

Хууль бусаар малтлага хийж олсон Хүннү, Уйгур, Түрэг, Хүрлийн үеийн 230 түүх, соёлын дурсгалт зүйлсийг илрүүлжээ

Хууль бусаар малтлага хийж олсон Хүннү, Уйгур, Түрэг, Хүрлийн үеийн 230 түүх, соёлын дурсгалт зүйлсийг илрүүлжээ

Цагдаагийн байгууллагаас түүх, соёлын өвийн эсрэг үйлдэгдсэн зарим гэмт хэргийг илрүүлэн, мөрдөн шал

СОНСГОЛ: Нэг эзэмшигчтэй 8 компанийн нэрээр 1 сая тонн нүүрс гаалийн бүрдүүлэлтгүй гаргажээ

СОНСГОЛ: Нэг эзэмшигчтэй 8 компанийн нэрээр 1 сая тонн нүүрс гаалийн бүрдүүлэлтгүй гаргажээ

Төрийн ордонд нүүрсний асуудлаарх хянан шалгах түр хорооны нотлох баримтыг шинжлэн судлах сонсгол үр

Сэтгүүлч Ж.Хэрлэн
Сэтгүүлч Ж.Хэрлэн