УИХ-ын ээлжит сонгууль үргэлжилж байна. Сонгуулийн үйл явцтай холбоотойгоор МАН-аас мэдээлэл хийлээ.  Энэ үеэр МАН-ын Намын байгуулалтын газрын дарга Б.Пүрэвдагва "АН-ын нэр дэвшигч н.Мөнгөнхуяг нэрийн хуудсаа 20 мянган төгрөгтэй цуг тараасан. Д.Ганбат 100 мянган төгрөг тарааж байгаа нь нотлогдсон. Завхан аймгийн Тосонцэнгэл суманд АН-ынханмөнгө тарааж байгаад баригдсан" гэв. Мөн  "СХД-т “Ардчилсан намын ажиглагч нар өөдөөс чинь хараад сууж байна. АН-д саналаа өг” гэж 99789846 дугаараас мессэж бичсэн баримт бидэнд ирсэн. Орхон аймгийн ИТХ-ын төлөөлөгч Д.Энхзориг өөрийн санал өгсөн хуудсаа олон нийтийн сүлжээнд байршуулсан" гэлээ.