УИХ-ын гишүүнээр сонгогдсон дүүргийн Засаг дарга нарын оронд хэн очих нь анхаарал татаж байна. Чингэлтэй дүүргийн Засаг дарга Н.Батсүмбэрэл УИХ-ын гишүүнээр сонгогдсон. Харин түүний халааг авах дараагийн хүн яригдаж эхэллээ.  Эх сурвалжийн мэдээлж байгаагаар Д.Ядамжав, Л. Цэеэрэгзэн, Л.Ариунтуяа, Х.Алтаншагай гэсэн 4 нэр яригдаж байгаа аж. Эдгээр 4 хүний тухай товч танилцуулъя. 

Д.Ядамжав 2012 оноос Чингэлтэй дүүргийн ИТХ-ын төлөөлөгчөөр сонгогдон ажиллаж байгаа. Хуульч мэргэжилтэй. УИХ-ын гишүүн Ж.Энхбаярын туслахаар ажлын гараагаа эхэлж байсан. Тэр утгаараа түүнийг УИХ-ын гишүүн Ж.Энхбаяр зүтгүүлж байгаа сурагтай. Чингэлтэй дүүргийн намын хорооны удирдах албан тушаалтай гэдгээрээ нэлээн магадлалтай хүний нэг.

Л. Цэеэрэгзэн нь 2020 оноос Чингэлтэй дүүргийн ИТХ-ын төлөөлөгчөөр сонгогдон ажиллаж буй. Мөн дүүргийн SDY буюу Социал демократ залуучуудын холбооны тэргүүн, Чингэлтэй дүүргийн 19-р хорооны засаг дарга юм. Нэмж хэлэхэд Чингилтэй дүүргийн засаг даргын орлогчоор ажиллаж байсан, өдгөө Засаг даргын зөвлөхөөр ажиллаж байгаа аж. 

Х.Алтаншагай 2016 оноос Чингэлтэй дүүргийн ИТХ-ын төлөөлөгчөөр сонгогдон ажиллаж байгаа. Хуульч мэргэжилтэй. Дүүргийн ахмадын амралтын газрын захирлаар ажилладаг.

Л.Ариунтуяа 2016 оноос Чингэлтэй дүүргийн ИТХ-ын төлөөлөгч, даргаар сонгогдон ажиллаж байсан. Одоо Нийслэлийн ИТХ-ын төлөөлөгч. Мөн Хотын геодези, усны барилга байгууламж хариуцсан байгууллагын даргаар ажиллаж байна.

Ийм 4 хүн Чингэлтэй дүүргийн Засаг даргад нэр дэвших аж. Хотын дарга Х.Нямбаатар дүүргийн Засаг даргыг томилохдоо намын угшил, дэмжлэг, ар талыг нь харахаас гадна хийсэн бүтээснийг нь харгалзаж үзэх юм байна.