Хорих 461-р ангид хоригдож байгаад улмаар эмнэлэгт хүргэгдэн нас барсан иргэний талаар Цагдаагийн ерөнхий газраас өнөөдөр /2024.07.25/ мэдээлэл хийлээ.

ЦЕГ-ын Урьдчилан сэргийлэх газрын хэлтсийн дарга, цагдаагийн хошууч Г.Мөнхбаяр мэдээлэл өгөхдөө "Талийгаачийн үхлийн шалтгааныг дахин шалгуулахаар шинжээч эмчийг томилон ажиллаж байна.  Хорих 461 дүгээр ангид 16 удаагийн үзлэг хийсэн. Авлигатай тэмцэх газраас хүний эрх зөрчигдсөн, эрүүл мэндэд хохирол учруулсан эсэх хэргийг мөрдөн шалгаж байна. Алба хаагчид өнөөдөр албан үүргээ гүйцэтгэж байгаа. Талийгаач өмнө нь хоёр удаа ял шийтгэж, нэг удаа зөрчлийн шийтгэл авч байсан. Өнөөдрийн байдлаар 10 хэрэгт яллагдагчаар татагдан байцаагдаж байсан нь тогтоогдсон" гэв.