Хүүхэд хамгааллын тухай хуулийн шинэчилсэн найруулга энэ оны есдүгээр сарын 1-нээс хэрэгжиж эхэлнэ.

Хуулийн 25 дугаар зүйл буюу Хэвлэл мэдээлэл, өргөн нэвтрүүлэг, цахим орчин дахь хүүхэд хамгааллын хэрэгжилтийг хангах, даган гарах журмын төслийг боловсруулж, өчигдөр хэлэлцүүллээ.

• Засгийн газар батлах хэвлэл мэдээлэл, олон суваг дамжуулах болон цахим орчны үйлчилгээ эрхлэгчийн цахим орчин, өргөн нэвтрүүлгээр түгээсэн контент, мэдээ, мэдээлэл, бүтээл нь хүүхдэд хортой агуулгатай эсэх талаар дүгнэлт гаргах чиг үүрэг бүхий “Орон тооны бус зөвлөлийн бүрэлдэхүүн, ажиллах журам”-ын төсөл;
• ЦХИХХ-ны, ХЗДХ-ийн, ГБХНХ-ын сайд нар хамтран батлах “Цахим орчинд хүүхдийг хориотой болон хүүхдэд хортой агуулгаас урьдчилан сэргийлэх, хамгаалах журам”-ын төслийг танилцуулж санал авлаа.

Журмын төслийн хэлэлцүүлэгт ГБХНХЯ, ЦХИХХЯ, ХЗДХЯ, ХХЗХ, НҮБ-ын Хүүхдийн сан, Дэлхийн зөн Монгол олон улсын байгуллагын төлөөлөл, хүүхдийн эрхийн улсын байцаагч нар оролцож саналаа өглөө.

Эх сурвалж: Гэр Бүл, Хөдөлмөр, Нийгмийн Хамгааллын Яам