Д.Сэлэнгээ нь байт харвааны W2 ангилалд хамаардаг бөгөөд энэхүү ангилал нь биеийн болон хөлийн хөдөлгөөний бэрхшээлтэй хүмүүст зориулагддаг. Энэ ангиллын харваачид суугаа байдлаас харвадаг ба нум татах хүчээ нуруу, мөр, гарнаасаа бүрдүүлдэг байна.
#Paris2024 Эмэгтэйчүүдийн ганцаарчилсан Recurve төрлийн чансаа тогтоох харваанд Дэмбэрэлийн Сэлэнгээ 3-р байр эзэлж дээгүүр жагслаа.
Парис 2024 паралимпын наадмын эхний өдөр байт харвааны эмэгтэйчүүдийн ганцаарчилсан Recurve төрлийн чансаа тогтоох харваа боллоо. Тус төрөлд Монголын шигшээ багийн хоёр тамирчин оролцсоноос Дэмбэрэлийн Сэлэнгээ 3-р байр, Буянжаргалын Оюун-Эрдэнэ 18-р байрыг эзлэв.
34 настай Д.Сэлэнгээ Токиогийн олимпын наадмын ганцаарчилсан төрөлд 17-р байр эзэлж байсан ба 2022 оны ДАШТ-ээс хүрэл медаль хүртсэн. Харин 40 настай Б.Оюун-Эрдэнэ 2016 оны Риогийн олимпын ганцаарчилсан төрөлд 9-р байр, 2012 оны Лондонгийн олимпод 9-р байрыг тус бүр эзэлж байв.
Ийнхүү Б.Оюун-Эрдэнэ есдүгээр сарын 3-ны 17:33 цагаас 2022 оны дэлхийн аварга, чансаа тогтоох харвааны 15-д жагссан Италийн Вероника Флоренотой цэц сорино. Харин Д.Сэлэнгээ есдүгээр сарын 9-ны 16:59 цагаас шөвгийн наймын шатны харваагаа хийх юм.