ИНЕГ-аас 2005-2023 онд нийт 368 хүнийг хилийн чанадад сургахад 11 сая ам.доллар зарцуулжээ. Эдгээрээс 56 хүн зээлээ төлөөгүй байна. Тэдний зээлийн үлдэгдэл 2 сая ам.доллартай тэнцэнэ.

Их сургуулиа төгсөөд ирэхэд нь ИНЕГ-т ажлын байр байгаагүй тул зарим хүнийг ажилд аваагүй тул зээлийн үлдэгдэл үүсжээ. Мөн сургуулиа төгсөөгүй, холбоо барих боломжгүй болж, эрэн сурвалжилж буй хүмүүс ч байгаа аж.

Унгарын Засгийн газрын тэтгэлгээр нисэхийн мэргэжилтэн бэлтгэж байсан ч тус улс энэ тэтгэлгийг хаажээ. Иймээс Тайланд, БНСУ, БНХАУ-д мэргэжилтнүүдээ бэлтгэж эхэлсэн байна. Энэ салбарт ажиллах бол эрүүл мэндийн шалгуурыг хангаж, англи хэлний өндөр мэдлэгтэй байхыг шаарддаг байна.